Konangan Maksani Bocah Cilikan Pada Cokli, Wong Batang Kiyé Digerebek Warga


 BATANG — Wong lanang nang Kabupatén Batang konangan nglakoni hal sing belih petha maring bocah cilikan. Dhéwéké ya digerebek warga merga dinyana maksa bocah cilik loro nggo nglakoni cokli. Wong lanang kuwé ya sempet nggo empan-empanan warga.

Wayah nggrebeké kuwé kerékam neng vidio sing akhiré viral nang média sosial. Katon ana pirang warga ngintrogasi pelaku sing nganggo kaos oblong warnané abang.

Wayah diintrogasi warga, pelaku sing huruf ngarepé F ngaku wis maksa bocah nom loro nggo nglakoni cokli karo upah pan diwéin panganan. Kabéh korbané dinyana ana 32 bocah lanang sing asalé seka pirang-pirang désa.

Salah siji Kepala Dusun nang Désa Kretek, Kecamatan Pecalungan Suroeni, ngomong kedadénan kuwé nang gubug sing ana nang alas desané pas dina Senén (8/11/2021) awan. Pelaku sing diamana warga dicekel gara-gara konangan lagi bareng karo bocah lanang loro.

“Dadi pas kuwé ana wargané dhéwék pan lirén nang gubug. Latané curiga anané wong kaplak lan bocah cilik loro. Apamaning sa bocah kuwé clanané ana sing diuduna,” jaréné, wayah dijaluki konfirmasi, dina Slasa (9/11/2021).

Barang kaya kuwé, F diamana lan digawa warga bareng bocah loro kuwé maring warung lan diintrogasi. Nang kono pelaku ya ngakoni.

“Akuné pelaku wayah ditakoni warga wis ana 32 bocah sing dadi korbané nang pirang-pirang désa sing ana nang Kecamatan Bandar,” omongé.

Ora let suwé, polisi nekani lokasi kedadénan. Pelaku lan bocah loro sing dinyana dadi korban ya akhiré digawa maring Polsek Subah.

Kapolsek Subah, AKP Prisandi Tiar, ngiyakna anané kedadénan kuwé. Pihaké uga saiki wis ngamana pelaku. “Ésih pendalaman. Nggo prosés selanjuté ditangani Unit PPA Polres Batang,” jaréné.

Sementara kuwé, wong tuwa asuhé F sing huruf ngarepé M ngomong angger F nduwéni kelainan prilaku sajegé cilik. “Angger warga nang Désa Sidayu ngarti angger F duwé kelainan. Dadi pancén bener-bener ora normal,” jelasé. (*)

Iklan Atas Artikel

Iklan Bawah Artikel